Par celebrâ uficialmentri la ricorence dal 3 di avrîl, 932° aniversari dal at di nassite de Patrie dal Friûl, l'aministrazion Comunâl di Glemone, in colaborazion cu la Provincie di Udin, e à organizât un incuintri-dibatit cul professôr Gottardo Mitri.
Al è stât un biel incuintri, tante int in scolte, tante int a à batût lis mans al professôr che al à spiegât benon la storie de nestre piçule Patrie e parcè che o vin di jessi braurôs de nestre identitât, che e je ancje e simpri la.nestre libertât.

STRUC DE STORIE DAL FRIÛL

ETE PREROMANE: I CELTS-KELTOI

Popul arian/indian che al è rivât de Basse Russie, passant pal l'estuari dal Da nubi, miscliçât daspò cui Sitis e Itits, si è indreçâts man man viers la basse France, la Spagne, la Baviere e Salisburc
Tal 400 , 200/300 mîl personis si son spostadis, parcè che di là des Alpes a jerin in masse, di Salisburc e passât Mont di Crôs si son fermadis adôr de plane.
Al jere un popul pacific, par une part migrant e di chê altre fat di tribùs vuerieris.
A vivevin in vilaçs in alt, cintâts e cualchi volte fuartificâts, a mangjavin cjar (purcit, cenglâr e selvagjne, a jerin pastôrs e cjaçadôrs. Si jerin organizâts in clans (fameis) a vevin un esercit cun vuerîrs e la cavalarie. Par viestîsi i oms a dopravin lis braghessis e lis feminins la tuniche e salacor zois.
I Celts a adoravin dius e deis, Cesare, tal so "De bello Gallico" al conte che a jerin un grum religjôs.
Belen al jere il diu plui grant, il diu de lûs des aghis puris, paragonât a Apollo dai Romans.
A vevin nemâi sacris (cenglâr, taur, cjaval) e a sepelivin i muarts in grancj tumui di tiere cun dut ce al coventave pal viaç in chel altri mont. I vuerîrs cu lis armis, lis feminis cun golainis di veris colorâts e vâs cun mangjative. A consideravin sacris lis crepis dai nemîs , che a impiravin suntun pâl par mostrâlis tes funzion religjosis.
A praticavin la metepmpsicosi, a crodevin te imortalitât de anime. Chei che a gjestivin la religjon a jerin i Druids, sorte di predis; dome daspò une lungje preparazion,( par vie che si scugnive imparâ dut a memorie, dato che nol esisteve nuie di scrit )dade dai saçs, i zovins di famee nobil a podevin deventâ Druids.
Nus à lassât in ereditât, chest popul, un pocjis di robis:
- tal lessic furlan: cu lis peraulis cjarugjel, troi, broili, bragons, tamês, grave, e vie indenant
- te toponomastiche: i nons dai paîs cul sufìs in acco-icco Martignacco, Precenicco, Tavagnacco e vie indenant
- tes tradizions: il fogaron (rît paian, di divin azion, proposizion, eliminazion dal scûr-muart), Halloween (prin da l'an celtic, cocis a crepe di muart cu la cjandelute, ven a stâi lis crepis dai vuerîrs vinçûts)

ETE ROMANE

La colonizazion di Rome e je scomençade fasint stradis (Postumie-Anie-Julie Auguste), Concuardie è je stade fondade tal 43 dC, e Aquilee tal 181 dC. La politiche espansionistiche romane e jere motivade dal pericul des invasions dai Gjâi Senons (Brenno dal 386) e di altris popui.
La cristianizazion e à cjapât la tradizion judaic-alessandrine, tant che jerin i Sants Ermacore e Fortunât.

ETE BARBARICHE

E tachin pocadis ai confins di soreli jevât , Guâts e Marcomans dal 176, Gots , Visigots (Alarì 410 ) Ostrogots - Vandai (tal 430) rivade dai Uns tal 452.
Odoacre al bute jù l'Imperi Roman di Soreli a Mont tal 476 (Romul Augustul) vinçût daspò di Teodorico (Ostrogot - 493)

I LANGOBARTS TAL 568 (Alboin - Gisulf, prin duche)

I Langobarts a àn
- fatis gnovis leçs (edit di Rotari dal 643)
- gjavât 1/3 di tieris ai Romans
- sburtât l'economie, ( fariis, oms tal esercit) e l'agricolture
- costruît lis abaziis di Sieste e Salt
- dât flât a l'art (ceramichis, zois, il templut langobart, l’are di Ratchis)
- creât l'universitât a Cividât.
A àn destinât i Aquileiês a Grau, i Concuardiês a Cjaurles, i sclâfs (de Istrie-Dalmazie ju àn inviâts su tal Nadison e Canâl dal Fier) Rotgaut, al è ultin duche langobart (766 duche ancje di Spolêt e Benevent)

O vin ereditât de lôr lenghe:
- braide, bearç, lami, clip crot, brovade, sbisiâ, scjaton, farc, e vie indenant.
- toponims (Sofunberc, Spilimberc, Partistagn …)

I FRANCS

Tal 788 a son rivâts i Francs, che nus àn puartât il feudalesim (beneficis di temporanis a ereditaris, esenzions ,donazions,oblic di vassalât)
Tal concei di Cividât al è stât declarât il dogme de indissolubilitât dal matrimoni.

PAULI DIACUN al scrîf la Bibie palatine cun Alcuin, l' Historia Langobardorum e l'Imni a San Zuan doprât di Guidone di Arezzo paes notis

I ONGJARS TAL 900

Daspò lis12 scorsadis: (Vastata Hungarorum 899-942) il Friûl al è sdrumât , lis tieris a son bandonadis e il Patriarcje al clame colonos slâfs

ETE PATRIARCJINE

La devastazions dai Ongjars e à conseguencis teribilis:
- caos politic
- degradazion feudâl
- depression economiche e culturâl
La politiche dai Otons e ordene di dâ lis proprietâts des ereditâts dai nobili a Glesie.
E tache la ricostruzion dai patriarcjis.
Conrât II (1027)al ricêf inviestidure di vassal dal Patriarcje

NASSITE DAL PATRIARCJÂT:3 AVRÎL 1077

In lote cun pape Grivôr VII pes inviestiduris, Indrì IV dispoià il pape tal Concei di Worms dal 1076. Scomunicât, al otignì la revoche umiliantsi lì de contesse Matilde a Canosse dulà che il pape al jere ospit intal 1077. Pal aiût vût dal patriarcje Sigjeart par tornâ in Gjermanie, il re i concedè il possès dal Friûl.

ORGANIZAZION CENTRÂL DAL PODÊ DAL PATRIARCJE

Il patriarcje(sudit dal imperadôr) al à il podê su:
- la politiche interne e foreste, al è il capo dal esercit .
- inviestidure gleseastiche a Aquilee (pape)
- inviestidure temporâl a Cividât (imperadôr)
Al à il titul di bati monede. L'avocazie e ven dade ai Conts di Gurize
- I Nivei sociâi a son dividûs in:
- sierfs di masnade,
- libars,
- nobii

ORGANIZAZION LOCÂL

- arenc (capofameis libars)
- consei maiôr (nobii, citadins e int)
- consei minôr (15 di lôr pai afârs ordenaris si cjatavin ogni setemane)
- massârs (contabil public)
- camerârs (contabil da la glesie)
- vocat (pai afârs juridics)

IL PARLAMENT DE PATRIE DAL FRIÛL

Clamât cussì dal imperadôr Indrì IV (fì dal Barberosse)

La prime sentade je stade tal 1231, l' ultime tal 1805.
La composizion e jere fate di nobii, gleseastics, comunitâts.
Lis prerogativis a jerin la ministrazion e la difese teritoriâl.

Il Friul tal TRESINTE: pocje fuarce politiche, par vie de rogance dai feudataris, cjiscjelants, sêt di podê, tradiments, ricats.
Gurize e Cividât cuintri Udin a pro di Vignesie.
E nas une gnove classe sociâl: i artesans, il cumierç.

DOMINI VENEZIAN

scomençât tal 1420 al à subit proviodût a sistemazion ministrative dal teritori , Grediscje e je restade par sô cont.
Un grum di Tentatîfs patriarcjins par para vie i invasors a son lats a clar. Si ricuarde che a .Rosacis i Ongjarês a tain la man.drete ai difensôrs; e che sdrumât Manzan i venezians i gjavin i vôi.ai presonîrs)

I TURCS

La prime ondade tal 1472.
L’ultime scorsade tal 1499 cun passe 10.000 muarts e 132 paîs brusâts.

I colonos di Vicenze e fasin sù Vile Vicentine.
E nassin lotis internis: Strumîrs e Zambarlans . rivolte
Il 27 fevrâr 1511, joibe grasse, al è stât un maçalizi di nobii dai contadins in rivolte.
Simpri in chel an, il 26 març 1511 un grant taramot al à sdrumat cetancj pais, e daspò e je rivade la peste.

La popolazion: tal 1561 :250.000 (1561),
tal 1602 92.000

IL CONCEI DI TRENT (1545)

Si jentre te storie.
Une curiositât, si lei di un procès sanitari cuintri Giovanni Ricamatore (10 di lui 1548): al scugnî discolpâsi (al veve butât bigatis inte roie di cjase sô in vie Glemone Tal 1593 si fâs sù la fuartece di Palme. Il prin progjet al è di Lenart, ultin cont di Gurize ma al ven fat bon chel di Juli Savorgnan.
A Franfurt, tal 1593, al ven publicat un libri in 40 lenghis; il Pari Nestri al è scrit ancje in furlan.

SECUL XVII-XVIII

In chescj secui l’economie e je a slàs, cence riformis e inviestiments.
A resistin dome culì i sierfs di masnade.
Tal 1751 al finis il Patriarcjât di Aquilee scomençat tal 559-1751.

-Pe culture: cualchi non: Piligrin di S.Denêl, Zuan di Udin, il Pordenon, Amalteo, Tiepul.

Linussio al da lavôr a la Cjargne cu lis lanis, lins etc, (3.000 dipendents)
E tal 1726 si spampane l’arlevament dai I cavalîrs (Mueç – Tumieç – S.Vît)
Tal 1800 – dut finît, Friul sdrumat e puar.

ETE AUSTRIACHE

18.03.1797 Bernadotte al jentre a Udin
10.05.1805 Ultime sentade dal Parlament de Patrie.
Divisions ministrativis: Passarian e Gurize cul Iliric.

NAPOLEON

Subit al à cjapat provediments ven a stâi:
- L’abolizion de nobiltât,
- La sopression des congregazions religjosis,
e al à ordenât di:
- Meti su un codiç civîl,
- Implantâ un catast.
1815 il Congrès di Viene al destine il Lombart-Venit e Friûl sot l’Austrie.
Gurize, Carinzie e Carniole cul Iliric fintremai tal 1917.

1820-1821 A sclopin i prins moviments reazionaris .
1848- Solevazions dapardut (Palme e Osôf).

III Vuere di indipendence e daspò il plebisit il Friûl al va cu l’Italie , ma tal Judri e parsore Pontebe e je parone l’Austrie.

tal 1870 Miserie e grande emigrazion.

LA GRANDE VUERE

28 jugn 1914: Francesc Ferdinant (princip ereditari) al è copât .a Sarajevo, l’Austrie e declare vuere ae Serbie
otobar 1914: Imperis centrâi; Gjermanie-Austrie-Ongjarie.e jentre l’Intese: France, Russie, Inghiltere, Serbie, Montenegro, Gjapon .
24.5.1915 jentrade in vuere da l’Italie: il prin muart furlan al è Riccardo Di Giusto.
Prime batae dal Lusinç: 15.000 muarts
24.10.1917: disordin tal comant talian: rote di Cjaurêt . Front sul Tiliment e po su la Plâf .
150.000 profucs (sorestants-dirigjents-titolâts) Udin al passe di 40.000 a 18.000 abitants.
Altris mai puartâts de vuere:
- Acusis a chei restâts: predis ,vecjos, feminis.
- Confusion: diviersitât plane-montagne; dificoltât aministative, resistence.
- Recuisizion di dut: prime356 vagons e subit daspò altris 475 a cjapin la strade de Austrie e Gjermanie
- Razionaments
Intal novembar dal 1918, finide la vuere, si contin i disastris:
I muarts: Italie 600.000, Gjermanie 1.800.000, Russie 1.700.000, France 1.390.000, Austrie-Ongjarie 1.200.000, Inghiltere 947.000, USA 115.000, Serbie-Turchie-Romanie 900.000.
Furlans 25.000.

ZONTIS E CURIOSITÂTS

Cualchi informazion su la migrazion

Lis motivazions :obleade, volontarie, libars di scugnî lâ…
dal Friûl: direzions Europe prime e vie vie Americhis, Australie, Asie, Afriche
durade: temporanie - definitive
sengul o grup: 55% par cirî fortune , 39% par scjampâ de miserie
Pes Americhis dome il 20% e jerin fameis e dome il 9% a jerin feminis
zornade dal fornasîr: gjavâ l'argile cu la pale, fâ la malte cui pîts,.metile tal stampadôr. 6.000 modons in dì, puartâ i.modons a suiâ, dismovisi se al pluvive 18-19 oris di lavôr a zornade.

Dal Imni a San Zuan di Pauli Diacun, Guidone D'Arezzo, doprant lis primis sillabis, al à gjavât lis notis musicâls

UT queant laxis
REsonare fibris
MIra gestorum
FAmuli tuorum
SOLve polluti
Labii reatum
Sancte Johannes

Graziis al professor Mitri che nus à fat doprâ lis sôs notazions.