Venerdì, 27 febbraio 2009

TITE classe milnûfcentevincjecuatri

Cussì, daûr lis lastris o cjali fevrâr che si strissine su lis cumieriis, e si ferme la jù dapît, dongje la merlete imbombade di nêf.
I ramaçs a son neris, la tiere e mostre l' anime scure; nancje une ponte di vert e cuche, nancje un bâr di tale la sbuse. Ma se tu stâs cidin un moment, tu sintis cori, dulinvie il prât, un ghiti lizêr, un sgrisul di vite.
O pensi di someâ a chest mês, un fregul stiçôs, un tic rabiôs, dispès suturni.
Ce che o volarès pescjâ la tiere cui scarpons, sintîle criçâ, jessi paron des mês gjambis, dai miei pas!
Invezit o sei culì, sentât.
In spiete, tant che simpri: a buinore che mi jevin, mi judin a lavâ la muse, a fâ la barbe, che infin mi sentin sul birocin.. Biel, si, cu lis ruedis grandis e comut, o frachi un boton e si môf, al è un regâl dai fruts, i miei doi fruts. Cuant che vegnin a cjatâmi mi contin dal grant cefâ che àn, dal trafic, di trop che al coste vivi in zornade di vuê, “Viôt di stâ pulît pari, se ti covente alc, claminus” mi disin lant vie.
Mi plasarès che si fermassin cualchi moment di plui: cuant che o sei cun lôr si sfante la fumate di maluserie che mi ten companie dì e gnot.
Lu sai, no pues pratindi che stedin daûr un vecjo.
La siore badante e fâs tantis bocjis par taponà il vueit des sôs peraulis: peteçs e morosets di int sui gjornâi a mi propit no mi interessin.
Se o podès invezit saltâ fûr, lâ fin lì de ostarie “ Da Mame”, fâ une partide di cjartis, dopo mai che lu desideri!
O ben lâ a cjatâ Toni, par sintii ancjemò une volte la conte de ritirade de Russie.
O fâmi compagnâ fin tal cimiteri, par discori cu la mê puare femine, cui miei muarts.
Ma o sei culì, o cjali il timp passâ su li mês mans, ogni dì plui grîf, plui trist, cjamât di ricuarts di timps lontans. Ce che al è sucedût îr no si ferme intal cjâf, si viôt che nol è impuartant, cussì l'aiar lu sofle vie.
L’aiar… a mi puarte une voie, un segret scuindût e dolç, impiât tant che faliscje e inniât te anime: sotvôs o dîs al cîl frêt e insiorât dal soreli a mont: “Sisilute, ti spieti, cuant tornistu?”

Giovanni Battista classe millenovecentoventiquattro

Così, dietro i vetri guardo febbraio che si trascina sulle zolle, e si ferma laggiù in fondo, accanto al muretto zuppo di neve.
I rami sono neri, la terra mostra l’anima scura; nessun germoglio sbircia , neppure un cespo di tarassaco la buca. Ma se stai zitto un momento, senti correre, lungo il prato , un solletico leggero, un brivido di vita.
Penso di assomigliare a questo mese, un poco stizzoso, un poco arrabbiato, spesso malinconico.
Come vorrei pestare la terra con gli scarponi, sentirla scricchiolare, essere padrone delle mie gambe, dei miei passi!
Invece sono qui, seduto.
In attesa, come sempre: al mattino che mi alzino, mi aiutino a lavare la faccia, a radermi, ed infine che mi mettano sulla carrozzina. Bella, si, con le ruote grandi e comoda, premo un bottone e si muove, è un regalo dei figli, i miei due figli. Quando vengono a trovarmi raccontano del loro gran daffare, del traffico, del costo della vita, “Vedi di stare bene, papà, chiama se ti serve qualcosa”, dicono, andando via.
Mi piacerebbe avessero un momento in più per me: quando sono con loro svanisce la nebbia di malinconia che mi tiene compagnia giorno e notte.
La signora badante parla a voce alta per coprire il vuoto delle sue parole: pettegolezzi e amorazzi di gente sui giornali a me proprio non interessano.
Se potessi invece uscire, andare fino all’osteria “Da Mame”, fare una partita di carte, da tanto tempo lo desidero!
Oppure andare da Toni, per ascoltare ancora una volta la storia della ritirata di Russia.
O accompagnarmi al cimitero, per discorrere con la mia povera moglie, con i miei morti.
Ma sono qui , guardo il tempo passare sulle mie mani, ogni giorno più greve, più cattivo, colmo di ricordi di tempi lontani. Quello che è successo ieri non si ferma in testa, si vede che non è importante, così il vento lo soffia via.
Il vento…mi porta una voglia, un segreto nascosto e dolce, acceso come una scintilla e annidato nell’anima: sottovoce dico al cielo freddo ed arricchito dal tramonto “Rondinella, ti aspetto, quando ritorni?”

 

Commenti lasciati dai visitatori della pagina web:

#1
28 Febbraio 2009 - 09:42
Biele conte, delicade e clare. Brave. Maurizio Mattiuzza

utente anonimo

#2
28 Febbraio 2009 - 12:00
De bande dai ostîrs nus plâs marcâ come che cheste conte, in fat di "liriche" e sedi une vore biele. Tecnichementri 'nd à une bielissime vierzidure, in particolâr i prins doi paragrafs, che no dome e disegnin un paesaç, ma lu pein di bot al stât de anime dal "io narrante". O marchin ancje cheste frase: Ma o sei culì, o cjali il timp passâ su li mês mans, ogni dì plui grîf, plui trist, cjamât di ricuarts di timps lontans. Ce che al è sucedût îr no si ferme intal cjâf, si viôt che nol è impuartant, cussì l'aiar lu sofle vie. che nus pâr une vore "buine" sedi in forme che in contignût Gracie a la autore :)

contecurte

#3
28 Febbraio 2009 - 15:25
bene non sapevo che c era anche un blog in friulanno di storiecorte ma perche i circoli ARCI DI UDINE E DEL FRIULI NON FANNA UN CORSO DI ..MARELENGHE per gli italianni e extracomunitari che vorreberro imparare custa mervigliosa lingua victor un argentino che vive a udine

utente anonimo

#4
28 Febbraio 2009 - 19:56
Mandi Victor :) Benvignût in tal Ostarie :) Ciale... cors par stranîrs no mi par di vê sintût, ma cors di furlan prin o dopo tu ju cjatis... ten di voli puescj come il Cirf o la Universitât di Udin. Mandi!

contecurte

#5
01 Marzo 2009 - 09:48
A son stâts fats ancje cors par forescj: par chest cantin no mi visi che Cirf e Universitât a vedin organizât nuie, invezit a son stadis bielis esperiencis in colaborazion soredut tra il comun di Tavagnà, la Aziende Sanitarie 4 e i Mediatôrs di Comunitât.

Sandri
utente anonimo

#6
01 Marzo 2009 - 11:13
In efiets al à reson Sandri: in Universitât (ancje se si clame "dal Friûl" e te leç che le à istituide al è clâr il riferiment a la lenghe furlane) no mi risulte che si vedi fat cors di furlan par imigrâts. Anzit, su la cuistion dal insegnament de lenghe furlane al sarès cetant ce dî e ce pretindi. Jo o soi par la difese de Universitât dal Friûl, ma ancje o pretint che cheste istituzion, nassude par volontât dal popul furlan, e tigni plui in considerazion il Friûl, la lenghe furlane, i Furlans.

Chris77

#7
01 Marzo 2009 - 13:53
Chirs 77 tu às reson e vonde. Cence contà che a covantarès ancje che l'universitaat dal friuul a vès plui atenzion e curiositaat par dute la culture furlane contemporanee, a no esist dome l'academie, anzit, lis robis plui vitalis, e ancje chest blog a lu dimostre, a vegnin da, cussì clamade "societaat civiil"

utente anonimo

#8
02 Marzo 2009 - 17:55
Une conte che podeve colâ facil te retoriche e che invesit e risulte biele e delicade.

dree

#9
05 Marzo 2009 - 20:44
A si puedarès piturâle, cjantâle...Dutcâs a é veramenti buine da lèi. Nus mancje zenâr:-)

utente anonimo

Per visitare il sito da qui è tratto il racconto, clicca qui