BEPI IL PIC

Man man che al zire, al pic i nas un pêl di sconfuart: isal cussì dificil cjatâ cjase?
"No cîr mighe la lune inte sêle, jo! Mi bastarès vê un puest, daspò o met in vore il gno bec e la mê esperience. No varessial l'arbul che mi ten dongje dîmi graciis parcè che jo i neti la scusse di ducj i viers, i pedôi, lis ruis? Une talpe e lave chê altre, e dutis dôs a lavin la muse".
Cussì, passant di arbul in arbul, sintintsi dî un no daûr chel altri, Bepi al à il cûr che i devente simpri plui piçul, travanât di une maluserie che i dûl intai vôi, come lagrimis glotudis par no fâlis viodi.

BEPI IL PICCHIO

Mentre gira, al picchio nasce un filo di sconforto, è così difficile trovare casa?
"Non cerco mica la luna nel secchio: mi basterebbe avere un posto, dopo io metto in opera il mio becco e la mia esperienza. Non dovrebbe l’albero essermi grato perché gli pulisco la corteccia dai vermi, dai pidocchi, dai bruchi? Una zampa lava l’altra e tutte e due lavano la faccia".
Così, passando di albero in albero, sentendosi dire un no dietro l’altro, Bepi ha il cuore che gli diventa sempre più piccolo, pervaso da una tristezza che duole negli occhi, come lacrime inghiottite per non farle vedere.